નિજ્જર હત્યા કેસમાં પીએમ ટ્રુડોનું મહત્ત્વપૂર્ણ નિવેદન: કેનેડા ‘ભારત સરકાર સાથે રચનાત્મક રીતે કામ કરવા માંગે છે’
કેનેડાના વડાપ્રધાન જસ્ટિન ટ્રુડોએ કેનેડાની ધરતી પર ભારતે જેન આંતકવાદી જાહેર કર્યો છે એવા હરદીપસિંહ નિજ્જરની હત્યા અંગે ચિંતા વ્યક્ત કરી હતી. ટ્રુડોએ કહ્યું હતું કે, વિદેશી સરકારો દ્વારા ગેરકાયદેસર પગલાંથી તેના નાગરિકોનું રક્ષણ કરશે. કેનેડા યોગ્ય તપાસ કરી રહ્યું છે અને સત્ય બહાર લાવવા માટે ભારત સાથે રચનાત્મક રીતે કામ કરવાની ઈચ્છા છે.
કેનેડાના વડાપ્રધાન જસ્ટિન ટ્રુડોએ હરદીપ સિંહ નિજ્જરની હત્યા અંગેની તપાસ અંગેના અપડેટ પર પ્રતિક્રિયા આપતા કહ્યું કે તેઓ મામલાના તળિયે જવા માટે ભારત સરકાર સાથે રચનાત્મક રીતે કામ કરવા માંગે છે.
ટ્રુડોએ એક પત્રકાર દ્વારા પૂછવામાં આવતા નિજ્જરની હત્યા વિશે વાત કરી, “કેનેડિયન નાગરિક હરદીપસિંહ નિજ્જરની હત્યાની તપાસમાં ભારતનો સહકાર કેવી રીતે મળી રહ્યો છે. ભારત અપેક્ષા રાખે છે કે કેનેડા પહેલા તેની પોતાની તપાસ પૂર્ણ કરે?”.
તેના જવાબમાં, કેનેડિયન પીએમએ કહ્યું, “કેનેડાની ધરતી પર કેનેડિયન નાગરિકની હત્યા એવી બાબત છે જેને આપણે બધાએ અત્યંત ગંભીરતાથી લેવી જોઈએ. ભારત સરકારના એજન્ટો તેમાં સામેલ હોવાના વિશ્વસનીય આરોપો અમે હળવાશથી જાહેર કર્યા નથી, પરંતુ વિદેશી સરકારો દ્વારા તમામ કેનેડિયનોને ગેરકાયદેસર પગલાંથી બચાવવાની અમારી જવાબદારી કંઈક એવી છે કે જે વિવિધતા ધરાવતા દેશ તરીકે આપણે ખૂબ ગંભીરતાથી લેવાની જરૂર છે.”
વધુમાં, તેમણે ઉમેર્યું હતુ કે, કેનેડા સરકાર ખાતરી કરી રહી છે કે યોગ્ય તપાસ કરવામાં આવી રહી છે.
ટ્રુડોએ ઘટના પાછળના તથ્યોને ઉજાગર કરવા માટે ભારત સરકાર સાથે રચનાત્મક રીતે કામ કરવાના મહત્વ પર પણ ભાર મૂક્યો હતો. તેમણે ફરી એકવાર ભારત સાથે આ મુદ્દે કામ કરવાની ઈચ્છા વ્યક્ત કરી હતી અને જણાવ્યું હતું કે, “તે જ સમયે, અમે કામ કરી રહ્યા છીએ. અમે આ ઘટનાના મૂળ સુધી જવા માટે અમે ભારત સરકાર સાથે રચનાત્મક રીતે કામ કરવાની ઈચ્છા રાખી રહ્યાં છીએ.”
2020માં નેશનલ ઇન્વેસ્ટિગેશન એજન્સી દ્વારા આતંકવાદી તરીકે ઘોષિત કરાયેલા નિજ્જરને 18 જૂન, 2023ની સાંજે બ્રિટિશ કોલંબિયાના સરે ખાતેના ગુરુદ્વારામાંથી બહાર આવતાં જ ગોળી મારીને હત્યા કરવામાં આવી હતી. આ હુમલામાં છ માણસો અને બે વાહનો સામેલ હતા. દરમિયાન, લગભગ નવ મહિના પછી, રોયલ કેનેડિયન માઉન્ટેડ પોલીસ (RCMP) એ હજુ સુધી નિજ્જરની હત્યાના સંબંધમાં શંકાસ્પદોના નામ અથવા ધરપકડ કરી નથી.
જો કે, ભારતે આરોપોને “વાહિયાત” ગણાવીને નકારી કાઢ્યા છે. ભારતના વિદેશ મંત્રાલયના જણાવ્યા અનુસાર, કેનેડા હત્યા અંગેના તેના દાવાઓને સમર્થન આપવા માટે કોઈ પુરાવા રજૂ કરી શક્યું નથી.
દરમિયાન વિવિધ ભારતીય ન્યૂઝ મીડિયાએ પણ આ અહેવાલો પ્રસિદ્ધ કર્યાં છે. જેમાં કેનેડામાં ખાલિસ્તાની આતંકી હરદીપસિંહ નિજ્જરની હત્યામાં ભારતનો હાથ હોવાનો આરોપ મુકીને કેનેડાના વડાપ્રધાન જસ્ટિન ટ્રુડોએ ભારત સાથેના સબંધો વધુ ખરાબ કરી રહ્યાં હોવાના સૂર ઉઠ્યાં છે.
જોકે, અગાઉ આ મુદ્દે કેનેડા અને ભારત વચ્ચે વાકયુદ્ધ છેડાયું હતું. ત્યારે આ વખતે કેજરીવાલ મુદ્દે અમેરિકા અને જર્મનીએ વિવાદીત ટીપ્પણી કર્યા બાદ આંતરરાષ્ટ્રીય દબાણ ઉભું કરવા માટે કેનેડાએ પણ ટીપ્પણી કરી હોવાની શક્યતાઓ પણ નકારી શકાતી નથી. આ મુદ્દે હજી ભારત તરફથી કોઇ પ્રતિક્રિયા આપવામાં આવી નથી.
#INDIA #INDIA-PM #narendra-modi #s.jaishanker #Canada ##Canadian-Prime-Minister #Justin-Trudeau #terrorist-HardeepSingh-Nijjar #willing-to-work-with-India #Nijjar-killing
