ગ્રેટર ટોરોન્ટો એરિયા (GTA), ઓન્ટારિયો

સાર્વત્રિક જાહેર આરોગ્ય સંભાળ એ કેનેડિયન હોવાનો અર્થ શું છે તેનો મુખ્ય ભાગ છે અને એક એવો વિચાર છે કે તમે ક્યાં રહો છો અથવા તમે શું કમાવો છો, પરંતુ તમે હંમેશા તમને જરૂરી સ્વાસ્થ્ય સંભાળ મળી રહે તથા મેળવી શકશો તે છે

દર્દીઓ થી છલકાઈ ગયેલા ઇમરજન્સી રૂમથી માંડી ને સર્જરી માટે લાંબા સમય સુધી ની પ્રતીક્ષા, ઉપરાંત આરોગ્ય સંભાળ માં સેવા આપતા આપણા નર્સ, ડૉક્ટર નું ભારે દબાણ હેઠળ કાર્ય – કેનેડિયનો જ્યારે અને જ્યાં તેની જરૂર હોય ત્યારે વધુ સારી આરોગ્ય સંભાળ પહોંચાડવા માટે તાત્કાલિક પગલાં જરૂર છે. એટલા માટે કેનેડા સરકાર સમગ્ર દેશમાં આરોગ્ય સંભાળ કેવી રીતે પહોંચાડે છે તે સુધારવા માટે કેનેડા સરકાર પરિવર્તનકારી રોકાણો કરી રહી છે.

આજે, વડાપ્રધાન, જસ્ટિન ટ્રુડો, એ ઑન્ટારિયોના પ્રીમિયર, ડગ ફોર્ડ સાથે, ઑન્ટારિયોમાં આરોગ્ય સંભાળ સુધારવા માટે $3.1 બિલિયનના નવા કરારની જાહેરાત કરવામાં આવી. આ રોકાણ ફેમિલી ડોકટરો સુધી ની પહોંચ વધારવામાં તેમજ રાહ જોવાનો સમય ઘટાડવામાં તથા વધુ આરોગ્ય સંભાળ કાર્યકરોની નિમણૂક કરવામાં તદુપરાંત કેનેડિયનો માટે માનસિક આરોગ્ય સંભાળ સહિતની ઝડપી સાર-સંભાળ સુનિશ્ચિત કરવામાં ઘણી મદદ કરશે.

આ કરાર હેઠળ, ઑન્ટારિયો તેની યોર હેલ્થ: કનેક્ટેડ અને કન્વેનિયન્ટ કેર માટે યોજના પ્રદાન કરવાનું ચાલુ રાખશે અને વધુ લોકોને ફેમિલી ડોકટરો સાથે જોડવામાં મદદ કરવા માટે નવી પ્રાથમિક સંભાળ ટીમો બનાવશે. વધુ ફેમિલી ડોકટરો, તેમજ નર્સ પ્રેક્ટિશનરો, નર્સો, ફાર્માસિસ્ટ અને સામાજિક કાર્યકરો સાથે, આરોગ્ય ટીમો ખાતરી કરશે કે પરિવારો સમયસર, ગુણવત્તાયુક્ત પ્રાથમિક સંભાળ મેળવી શકે. આનાથી શસ્ત્રક્રિયાઓ માટેનો બેકલોગ ઘટાડવામાં અને ઈમરજન્સી રૂમમાં રાહ જોવાના સમયને ઘટાડવામાં પણ મદદ મળશે જ્યારે ફેમિલી ડૉક્ટર વગરના દર્દીઓની સંભાળની ઍક્સેસમાં સુધારો થશે, ખાસ કરીને ગ્રામીણ, દૂરસ્થ અને અછતગ્રસ્ત વિસ્તારોમાં ઘણો લાભ થશે

આરોગ્ય સંભાળની અછતને દૂર કરવા ઑન્ટારિયો સેંકડો નવા ફેમિલી ફિઝિશિયન અને નર્સ પ્રેક્ટિશનરો તેમજ હજારો નવી નર્સો અને વ્યક્તિગત સહાયક કાર્યકરોની ભરતી કરશે. હેલ્થ કેર એજ્યુકેશન પ્રોગ્રામ્સમાં નોંધણી 700 થી વધુ સ્પોટ્સ દ્વારા વિસ્તૃત કરવામાં આવશે, જેમાં ઉત્તરી ઑન્ટેરિયોમાં 70થી વધુ સ્થાનોનો સમાવેશ થાય છે. ભવિષ્ય માટે પ્રતિભાનું નિર્માણ કરવાનું ચાલુ રાખવા માટે, ઑન્ટારિયો વિદ્યાર્થીઓને ટ્યુશન ફી સાથે સહાય કરશે, પ્રેક્ટિસ કરતા વ્યાવસાયિકોને નવી કુશળતા પ્રાપ્ત કરવામાં મદદ કરશે અને વધુ આરોગ્ય કર્મચારીઓને આ ક્ષેત્રમાં લાવશે.

આ કરાર કેનેડિયન અને આંતરરાષ્ટ્રીય સ્તરે પ્રશિક્ષિત ડોકટરો અને આરોગ્ય વ્યાવસાયિકો માટે ઑન્ટેરિયોમાં પ્રેક્ટિસ કરવાનું સરળ બનાવશે, જેથી તેઓ અમલદારશાહી(રેડ ટેપીઝમ) સાથે વ્યવહાર કરવામાં ઓછો સમય અને જરૂરિયાતવાળા દર્દીઓને મદદ કરવામાં વધુ સમય વિતાવી શકે. આમાં વિદેશી ઓળખપત્રની ઓળખ માટેના અવરોધોને દૂર કરવા, લાયસન્સ પ્રક્રિયાઓને સરળ બનાવવા અને ઉચ્ચ શિક્ષિત અને કુશળ આરોગ્ય વ્યાવસાયિકો માટે પ્રોગ્રામ એક્સેસ વધારવાનો સમાવેશ થાય છે. પ્રાંત ડિજિટલ ઈન્ફ્રાસ્ટ્રક્ચરને આધુનિક બનાવશે. માહિતી રિપોર્ટિંગ, સંગ્રહ, શેરિંગ સુધી. ઈલેક્ટ્રોનિક સ્વાસ્થ્ય માહિતીની ઉપલબ્ધતાને વિસ્તૃત કરીને અને આ માહિતીને સુરક્ષિત રીતે એક્સેસ અને શેર કરી શકે તેવા સ્વાસ્થ્ય સંભાળ વ્યાવસાયિકોની સંખ્યામાં વધારો કરી આરોગ્ય સંભાળ વધુ અનુકૂળ અને દર્દી જ કેન્દ્ર સ્થાને રહે તેવી વ્યવસ્થા કરવામાં આવશે.

માનસિક સ્વાસ્થ્ય આ મહત્વપૂર્ણ રોકાણનો કેન્દ્રિય આધારસ્તંભ છે. ઓન્ટારિયો 2020 થી શરૂ થયેલા 22 યુથ વેલનેસ હબમાં પાંચનો ઉમેરો કરશે, જે યુવાનો માટે ગ્રામીણ, રીમોટ અને સ્વદેશી કોમ્યુનિટીઝમાં ખૂબ જ જરૂરી માનસિક સ્વાસ્થ્ય અને અન્ય આરોગ્યલક્ષી સેવાઓ સાથે જોડવાનું ઝડપી અને સરળ બનાવશે. પ્રાંત તેના સ્ટ્રક્ચર્ડ સાયકોથેરાપી પ્રોગ્રામનું વિસ્તરણ કરવાનું પણ ચાલુ રાખશે, હજારો વધુ ઓન્ટેરિયનોને નિઃશુલ્ક જ્ઞાનાત્મક વર્તણૂકીય થેરાપી અને અન્ય સંબંધિત સપોર્ટ દ્વારા ડિપ્રેશન અથવા ચિંતા માટે સમયસર મદદ મેળવવામાં મદદ કરશે.

ફેડરલ અને પ્રાંતીય સરકારો સ્વદેશી આરોગ્ય સંભાળ સેવાઓમાં અંતર અને પ્રણાલીગત અસમાનતાઓને દૂર કરવા અને સાંસ્કૃતિક રીતે સુરક્ષિત સંભાળની ઍક્સેસ સુધારવા માટે સ્વદેશી લોકો સાથે જોડાશે અને કામ કરશે. આ કરાર હેઠળ ભંડોળ ઓન્ટેરિયોના ઇન્ડિયન રેસિડેન્સીયલ સ્કૂલ બુરીએલ્સ ફંડીંગ પ્રોગ્રામમાં વપરાશે, જે રહેણાંક શાળાઓ, પરિવારો અને કોમ્યુનિટીઝના બચી ગયેલા લોકોને સાંસ્કૃતિક રીતે સલામત માનસિક સ્વાસ્થ્ય સહાય પૂરી પાડે છે. જેમ જેમ આપણે ઉકેલના સહિયારા પ્રયાસો કરી છીએ તેમ તેમ સ્વદેશી સમુદાયો માટે સલામત અને સમયસર આરોગ્ય સંભાળ એ પ્રાથમિકતા બની જાય છે.

આ રોકાણ પ્રાંતો અને પ્રદેશો સાથે અનુરૂપ દ્વિપક્ષીય કરારો દ્વારા ભંડોળ સહિત આરોગ્ય સંભાળને સુધારવા માટે કેનેડા સરકારના $200 બિલિયનથી વધુનું રોકાણ કરવાના કાર્યનો એક ભાગ છે. બ્રિટિશ કોલંબિયા, પ્રિન્સ એડવર્ડ આઇલેન્ડ, આલ્બર્ટા અને નોવા સ્કોસિયા પછી ઑન્ટારિયો સાથેનો કરાર જાહેર કરાયેલો પાંચમો કરાર છે. આજે જાહેર કરાયેલા કરાર દ્વારા, કેનેડા સરકાર અને ઓન્ટારિયો સરકાર દર્દીઓ માટે વધુ સારા પરિણામો આપશે, આરોગ્ય સંભાળ કામદારોને ટેકો આપશે અને અમારી આરોગ્ય સંભાળ સિસ્ટમને અત્યારે અને ભવિષ્યમાં સુરક્ષિત કરશે.

#Ontario #Cutting-wait-time #health-care #Prime-Minister #Justin-Trudeau #Premier-of-Ontario #Doug-Ford #agreement #investment #Canadians mental-health-care