બ્રોકવિલે: ઓન્ટેરિયોના મનોહર રિવરસાઇડ શહેર બ્રોકવિલે માટે એક અત્યંત ગૌરવશાળી સમાચાર આવ્યા છે. પ્રોવિન્સિયલ ગવર્નમેન્ટે ‘૨૦૨૭ ઓન્ટેરિયો ૫૫+ સમર ગેમ્સ’ માટે યજમાન તરીકે બ્રોકવિલેની પસંદગી કરી છે. આ જાહેરાત સાથે જ સમગ્ર ઈસ્ટર્ન ઓન્ટેરિયોમાં આનંદની લહેર દોડી ગઈ છે. ગવર્નમેન્ટ આ ઇવેન્ટ માટે $૩૨૫,૦૦૦નું સીધું રોકાણ કરી રહી છે, જેનો મુખ્ય ઉદ્દેશ્ય લોકલ ટુરીઝમ અને ઇકોનોમીને વેગ આપવાનો છે. આ રમતોત્સવ માત્ર સ્પર્ધાઓ પૂરતો મર્યાદિત નથી, પરંતુ તે બ્રોકવિલેના બિઝનેસ સેક્ટર માટે એક ‘બૂસ્ટર ડોઝ’ સામાન સાબિત થશે. અંદાજ છે કે આ ઇવેન્ટ દરમિયાન શહેરને $૧.૫ મિલિયનથી વધુનો આર્થિક ફાયદો થશે, જેનો લાભ હોટલ્સ, રેસ્ટોરન્ટ્સ અને સ્થાનિક દુકાનદારોને મળશે.
આ ગેમ્સમાં ઓન્ટેરિયોભરમાંથી ૧,૦૦૦થી વધુ એથ્લેટ્સ ભાગ લેશે. આ તેવા ખેલાડીઓ છે જેમની ઉંમર ૫૫ વર્ષથી વધુ છે અને જેઓ આજે પણ હેલ્ધી અને એક્ટિવ લાઈફસ્ટાઈલમાં માને છે. સ્પોર્ટ્સ મિનિસ્ટર નીલ લમ્સડેને આ અંગે જણાવ્યું હતું કે, ઓન્ટેરિયો સરકાર રમતગમત દ્વારા મજબૂત કોમ્યુનિટી બનાવવામાં માને છે. આ ગેમ્સ એ સાબિત કરે છે કે વય માત્ર એક આંકડો છે; ખરી સ્પોર્ટ્સમેન સ્પિરિટ ક્યારેય મરતી નથી. ૨૦૨૭ની આ ઇવેન્ટમાં પિકલબોલ, ટેનિસ, અને સ્લો-પિચ જેવી ૧૭થી વધુ સ્પોર્ટ્સનો સમાવેશ કરવામાં આવશે. કેનેડામાં, ખાસ કરીને સાઉથ એશિયન કોમ્યુનિટીમાં પણ હવે વરિષ્ઠ નાગરિકોમાં સ્પોર્ટ્સ પ્રત્યેનો ક્રેઝ વધી રહ્યો છે, ત્યારે આ ઇવેન્ટ જોવી એ એક લ્હાવો હશે.
મેયર મેટ વ્રેને આ તકને બ્રોકવિલે માટે ‘મોમેન્ટ ટુ શાઈન’ ગણાવી છે. તેમણે કહ્યું કે અમારું સુંદર વોટરફ્રન્ટ અને અહીંની હોસ્પિટાલિટી દુનિયાભરના પ્રવાસીઓને આકર્ષશે. આ ઇવેન્ટ માટે મળેલું ફંડ ઇન્ફ્રાસ્ટ્રક્ચર અને પ્લાનિંગમાં વપરાશે, જે લાંબા ગાળે શહેરને ફાયદો કરાવશે. બ્રોકવિલે અત્યારે સ્પોર્ટ ટુરીઝમ માટે એક હોટ ડેસ્ટિનેશન બની રહ્યું છે. આ રમતોત્સવથી માત્ર આર્થિક પ્રવૃત્તિ જ નહીં વધે, પણ વોલન્ટીયરિંગની સંસ્કૃતિ પણ મજબૂત થશે. સ્થાનિક લોકોમાં અત્યારથી જ આ ઇવેન્ટને લઈને ઉત્સાહ જોવા મળી રહ્યો છે. ૨૦૨૭માં જ્યારે આ ગેમ્સ શરૂ થશે, ત્યારે બ્રોકવિલે માત્ર ઓન્ટેરિયોના નકશા પર જ નહીં, પણ તમામ વરિષ્ઠ ખેલાડીઓના દિલમાં પણ પોતાનું સ્થાન બનાવશે. આ સફળતા પાછળ લોકલ એડમિનિસ્ટ્રેશનની મહેનત અને પ્રોવિન્સિયલ સપોર્ટ બંનેનો મોટો ફાળો છે.
