નેતાઓની સ્વીકાર્યતાનું મૂલ્યાંકન કરવાના ઉદ્દેશ્ય સાથે કરવામાં આવેલા તાજેતરના સર્વેમાં આ વાત સામે આવી છે. આ સર્વેનો હેતુ દેશના મુખ્યમંત્રીઓની લોકપ્રિયતા અને સ્વીકાર્યતાનું મૂલ્યાંકન કરવાનો હતો, જેમાં કેટલાક રસપ્રદ પરિણામો સામે આવ્યા હતા. જેમાં ગુજરાતના મુખ્યમંત્રી ભૂપેન્દ્ર પટેલ ચોથા સ્થાને છે, જેમને 42.6 ટકા રેટિંગ મળ્યું છે.
નવીન પટનાયક પ્રથમ સ્થાને છે, સર્વે અનુસાર, ઓડિશાના મુખ્યમંત્રી નવીન પટનાયક 52.7 ટકાના નોંધપાત્ર લોકપ્રિયતા રેટિંગ સાથે યાદીમાં ટોચ પર છે. જ્યારે ઉત્તર પ્રદેશના મુખ્યમંત્રી યોગી આદિત્યનાથ 51.3 ટકા લોકપ્રિયતા રેટિંગ સાથે બીજા સ્થાને છે.આસામના મુખ્યમંત્રી હિમંતા બિસ્વા સરમા ત્રીજા સ્થાને છે, જેમણે 48.6 ટકા રેટિંગ મેળવ્યું છે. જ્યારે ચોથા સ્થાને ગુજરાતના મુખ્યમંત્રી ભૂપેન્દ્ર પટેલ છે, જેમને 42.6 ટકા રેટિંગ મળ્યું છે.
આ સર્વે અનુસાર, ત્રિપુરાના મુખ્યમંત્રી ડો. મનિક સાહા મુખ્યમંત્રીઓમાં લોકપ્રિયતા રેટિંગના સંદર્ભમાં પાંચમા સ્થાને છે. ડો. મનિક સાહા પ્રશંસનીય 41.4 ટકા લોકપ્રિયતા રેટિંગ સાથે પાંચમા ક્રમે છે. સર્વેક્ષણ પછી, ત્રિપુરાના લોકોએ તેમની સાદગી, સમર્પણ, પ્રમાણિકતા અને તેમના નેતૃત્વમાં થયેલી વિકાસલક્ષી પ્રગતિ માટે મુખ્યમંત્રી સાહાની પ્રશંસા કરી. દરમિયાન, ત્રિપુરાના એક સ્થાનિક રહેવાસી અને વેપારી, જેઓ દુકાન ચલાવે છે, તેમણે મુખ્યમંત્રી સાહાની પ્રશંસા કરી અને કહ્યું કે મુખ્યમંત્રી સાહા ખૂબ જ પ્રમાણિક છે, અને હંમેશા પાયાના સ્તરે કામ કરે છે. તે કોઈપણ પ્રકારની સમસ્યાના ઉકેલ માટે હંમેશા ઉપલબ્ધ છે.
#Gujarat-Cm #Bhupendra-Patel #Most-Popular-cm #Yogi Adityanath
