ભારતના મુંબઈ શહેરે સાત વર્ષ બાદ ફરી ગુમાવેલું સ્થાન પ્રાપ્ત કર્યું છે. મુંબઈ હવે અબજોપતિઓના શહેર તરીકે એશિયામાં નંબર વન છે. વૈશ્વિક ફલક પર ન્યુયોર્ક અને લંડન જેવા શહેરો બાદ મુંબઈ હવે અબજોપતિઓની દ્રષ્ટિએ વિશ્વમાં ત્રીજા સ્થાને છે. આર્થિક સંપત્તિ એકઠી કરવામાં અને અબજોપતિઓની યાદીમાં ભારત પ્રગતિ કરી રહ્યું છે. ભારતીય અર્થતંત્રને ધબકતું રાખવામાં આવા અબજપતિઓ અને ઉદ્યોગ સાહસિકોનો સિંહફાળો છે.
મુંબઈએ સાત વર્ષ બાદ ફરી તે સ્થાન પરત મેળવી લીધું છે. મુંબઈ હવે 92 અબજોપતિ સાથે એશિયામાં નંબર વન છે. વૈશ્વિક ફલક પર ન્યુયોર્ક અને લંડન જેવા શહેરો બાદ મુંબઈ હવે અબજોપતિઓની દ્રષ્ટિએ વિશ્વમાં ત્રીજા સ્થાને છે. ન્યુયોર્ક 119 અબજોપતિઓ ધરાવતું શહેર છે. 97 અબજપતિઓ સાથે લંડન બીજા સ્થાને છે.
મુંબઈના તમામ અબજોપતિઓની કુલ સંપત્તિ 445 બિલિયન ડોલર છે. જે ગયા વર્ષ કરતા 47% વધુ છે. જ્યારે બેઇજિંગના અબજોપતિઓની કુલ સંપત્તિ 265 બિલિયન ડોલર છે. જે ગયા વર્ષની સરખામણીમાં 28% ઓછું છે. મુંબઈમાં એનર્જી અને ફાર્માસ્યુટિકલ્સ જેવા સેક્ટરમાંથી ખુબ કમાણી થઈ છે. મુકેશ અંબાણી જેવા અબજોપતિઓઆમાં ભારે નફો કરી રહ્યા છે.
ગૌતમ અદાણીની સંપત્તિમાં નોંધપાત્ર વધારો થતાં તેમને વૈશ્વિક સ્તરે 15મા સ્થાને છે. HCLના શિવ નાદર અને તેમના પરિવારની સંપત્તિ અને વૈશ્વિક રેન્કિંગ બંનેમાં નોંધપાત્ર વધારો જોવા મળ્યો છે. તે 16 સ્થાનની છલાંગ લગાવીને 34મા સ્થાને પહોંચવામાં સફળ રહયા છે.
રિયલ એસ્ટેટ ખેલાડી મંગલ પ્રભાત લોઢા અને પરિવાર ટકાવારીની દ્રષ્ટિએ 116% મુંબઈના સૌથી મોટા સંપત્તિ મેળવનારા હતા. જો આપણે વિશ્વના અમીરોની યાદી વિશે વાત કરીએ તો મુકેશ અંબાણીની સંપત્તિમાં સારી વૃદ્ધિ થઈ છે અને મુંબઈ તેમનો ગઢ છે. તે હાલમાં ધનકુબેરોની યાદીમાં 10માં સ્થાને છે. તેમની મજબૂત સ્થિતિ જાળવી રાખવામાં સફળતાનો શ્રેય મુખ્યત્વે રિલાયન્સ ઈન્ડસ્ટ્રીઝને જાય છે.
તેનાથી વિપરીત સીરમ ઇન્સ્ટિટ્યૂટના સાયરસ એસ પૂનાવાલાની નેટવર્થ નજીવી રીતે ઘટીને 82 બિલિયન ડોલર થઈ છે. તે 9 સ્થાન ઘટીને 55મા સ્થાને આવી ગયા છે. સન ફાર્માસ્યુટિકલ્સના દિલીપ સંઘવી 61મું સ્થાન અને કુમાર મંગલમ બિરલા 100મું સ્થાન હાંસલ કરી મુંબઈમાં ફાળો આપે છે.
રાધાકિશન દામાણીની તેમની સંપત્તિમાં સાધારણ પરંતુ સતત વધારો થયો છે. DMart ની સફળતાથી પ્રેરિત તેમને આઠ સ્થાન ઉપર 100માં સ્થાને લઈ ગયા છે. આ અબજોપતિઓના કારણે મુંબઈ આજે અબજોપતિઓના શહેરની બાબતમાં ચીનને પાછળ છોડી દીધું છે.
એરોનની યાદી અનુસાર મેક્સિમમ સિટીએ 26 નવા અબજોપતિઓનો ઉમેરો કરીને ચીનની રાજકીય અને સાંસ્કૃતિક મૂડીને પાછળ છોડી દીધી છે. બેઇજિંગમાં એક વર્ષમાં 18 અબજોપતિઓ હવે કરોડપતિ બની ગયા છે. એટલે કે તે અબજોપતિઓની યાદીમાંથી બહાર થઈ ગયા છે. હવે બેઇજિંગમાં માત્ર 91 અબજોપતિ રહ્યા છે અને તે વિશ્વમાં ચોથા અને એશિયામાં બીજા ક્રમે છે. પાંચમા સ્થાને 87 અબજપતિઓ સાથે શાંઘાઈ છે.
આમ ભારતે અબજોપતિઓના મામલે ચીનને પણ પાછળ રાખી દીધું છે. ભારત તરફથી એક પછી એક મોરચે ચીનને પછડાટ મળી રહી છે.
#World #92-Billionaires-in-Mumbai #Asias-No1-City #china #new-York
